لينا حداد

تفاصيل الجلسة مع لينا حداد

رح أبدأ الجلسة بالتحضير الجيد، بجهز المكان وأدوات التقييم مثل الأوراق والألعاب اللي بحبها الطفل. بعدين ببدأ أرحب فيه بطريقة لطيفة وأحاول أكسر الجليد معه، مثلاً بلعبته المفضلة أو أغنية بسيطة، حتى يحس بالراحة والثقة.

بعدها، إذا الأهل موجودين، بشرح لهم إن التقييم راح يكون من خلال نشاطات بسيطة يحبها الطفل، وإنه ما في ضغط عليه.

بعدين ببلش أطبق أداة ABLLS-R وأختار شوية مهارات مناسبة لمستواه. بقدم المهارات بطريقة سهلة وبأوامر قصيرة، وبعطيه نموذج واضح قبل ما أطلب منه ينفذ.

خلال كل مهمة، براقب كيف بيعملها، إذا نفذها لحاله بعطيه تقييم كامل، وإذا احتاج مساعدة صغيرة بعطيه تقييم جزئي، وإذا ما قدر ما بعطيه نقاط. وبكتب ملاحظات عن تصرفاته وتركيزه.

دايمًا بحاول أشجعه وأمدحه لما ينجح أو حتى لما يحاول، وبستخدم جوائز بسيطة أو ألعابه المحببة حتى يحفزه.

بغير المهارات خلال الجلسة عشان ما يمل، وبعطيه فترات راحة صغيرة لو حسيت إنه تعب أو مشتت.

بأنه الجلسة بنشاط حلو وبشكر الطفل على تعاونه، ولو الأهل حاضرين بعطيهم ملخص بسيط عن كيف كان أداء الطفل.

وبعد الجلسة بكتب تقرير مفصل عن كل المهارات اللي نجح فيها واللي محتاج دعم، وببدأ أحضر خطة تعليمية تناسب احتياجاته.

طول الوقت بحاول أكون صبورة ومرنة، وبستخدم لغة بسيطة مع الطفل، وبشتغل كمان مع الأهل عشان ندعم الطفل بشكل أفضل

الجلسة بسعر 15.00 دينار ولمدة 60 دقيقة.